Nou op DVD

‘Vir altyd’-fliek se lokprent bekend gestel

Die amptelike lokprent vir die romantiese avontuurfilm Vir altyd is bekend gestel.

Donnalee Roberts en Ivan Botha, wat fliekgangers behoorlik bekoor het met hul uiters suksesvolle rolprent, Pad na jou hart, is binnekort weer saam op die grootskerm te sien in die rolprent.

Vir altyd is deur dieselfde skrywers, vervaardigers en regisseur as Pad na jou hart gemaak. Die film begin in die mooi wingerde van die Paarl in die Wes-Kaap en die avontuur vat behoorlik vlam op die prageiland Mauritius.

Vir altyd word na verwagting op 12 Februarie 2016 bekend gestel, maar diegene wat te nuuskierig is oor dié nuwe fliek kan dit binnekort op die boekrakke opspoor. Vir altyd volg die nuwe neiging van rolprente wat eers in boekvorm bekend gestel word en die romanweergawe, verwerk deur Francois Bloemhof, sal van 26 Oktober 2015 beskikbaar wees.

Lees artikel op Maroela Media